... တရားမျှတမူမရှိရင် ငြိမ်းချမ်းရေးဆိုတာမရှိနိင်ဘူး ...

ယူနီဗာဆယ်ဝဘ်ဆိုဒ်မှ ၀ိုင်းတော်သားများသည် အဖိနှိပ်ခံ၊ အနိုင်ကျင့်ခံ၊ မြန်မာ ပြည်သူများတို့ဘက်မှနေ၍ အမှန်တရားများကို တင်ပြရန်အလို့ငှာ ရပ်တည်နေသော် ၀ဘ်ဆိုဒ်တစ်ခုဖြစ်ပါသည်...

မြန်မာတို့ရဲ့ အဖေ

ဗိုလ်ချုပ်အောင်ဆန်း အမှတ်တရ ..(စကားချီး).. လူ့လောကထဲ သူနေခဲ့ရတာက... ၃၂ နှစ် ၅ လ ၆ ရက် ထဲရယ်ပါ... ၁၃-၂-၁၉၁၅ မှ ၁၉-၇-၁၉၄၇... နတ်မောက် ဦးသောဘိသကျောင်း... ရေနံချောင်း အမျိုးသားကျောင်း... ရန်ကုန်တက္ကသိုလ်တွေမှ ပညာဆည်းပူးခဲ့... ၁၉၃၄ ကျောင်းသားသမဂ္ဂအမှုဆောင်နဲ့ နိုင်ငံရေးဘ၀စတင်... နိုင်ငံရေး လုပ်သက် ၁၃ နှစ်... အဓိက ဖြတ်သန်းမှုတွေက... သမဂ္ဂ၊ တို့ဗမာ၊ ရဲဘော်သုံးကျိပ်၊ ဖဆပလ... အဓိက အောင်မြင်မှုကတော့... မြန်မာ့လွတ်လပ်ရေး သို့မဟုတ် စတုတ္ထမြန်မာနိုင်ငံတော်... အရပ် ပုပုမျက်မှောင် ကုတ်ကုတ် ပိုသီပတ်သီ အညာသား... ဘီအေ ကျောင်းသား... စကား မပြော... ပြောရင် မရပ်... ညှင်းသိုးသိုး အရိုးခံ... ခေါင်း အမာဆုံး... ဇွဲ အရှိဆုံး... စိတ်ဓာတ် အပြင်းထန်ဆုံး လူသား... သူမသိ နားမလည်တာတွေက အများသား... ရေ မကူးတတ်ဘူး... စက်ဘီး မစီးတတ်ဘူး... စန္ဒရား မတီးတတ်ဘူး... သီချင်းကောင်းကောင်းနားမထောင်ခဲ့ရဘူး... မိန်းမ မပိုးတတ်ဘူး... ဘိလပ်ပြန်သန်းကို မေရှင့်သီချင်း ဆိုခိုင်းခဲ့သူ... ချစ်ရတဲ့ နာစ့်မလေးကြည်ကို လူငှားနဲ့ ပိုးခဲ့ရသူ... ဗွီအိုင်ပီဆိုတဲ့ စာတန်းကို အလွန်စက်ဆုပ်ရွံရှာသူ... လမ်းဘေးမှာ ကျောက်ကျောရေသောက်တဲ့ ၀န်ကြီးချုပ်... မင်္ဂလာဆောင်မှာ ခဲဖိုးတောင်းတာ နားမလည်တဲ့သူ... >> လွတ်လပ်ရေးကို စဉ်းစားရင်း စစ်ဖိနပ် ပြောင်းပြန်စီးတဲ့သူ >> လွတ်လပ်ရေးကို စဉ်းစားရင်း ဆံပင်ညှပ်မပြီးခင် ထထွက်သွားတဲ့သူ >> တွေ့ချင်လွန်းလို့ လမ်းမှာတားတဲ့ ရွာသားတွေနဲ့ >> အတူ လမ်းဘေးမှာ အကြော်စားတဲ့ ၀န်ကြီးချုပ် >> သူ့ကိုယ်သူ ပြည်သူတစ်ယောက်အဖြစ်ခံယူတဲ့ ၀န်ကြီးချုပ် >> "ကြည်...ပဲပြုတ်နဲ့ နံပြားရရင် စားချင်တယ်" >> မိန်းမကို မနက်စာပြင်ခိုင်းတဲ့ သူ့ရဲ့ ကမ္ဘာကျော်စာ >> ဗိုလ်ချုပ်အဆင့်ရဲ့ အမှားနဲ့ သာမန်ရဲဘော်အဆင့်ရဲ့ အမှန်ကို >> ကွဲကွဲပြားပြားသိတဲ့သူ >> လူငယ်ဘ၀၊ လူ့ဘ၀ရဲ့ စည်းစိမ်အရသာတွေ >> ခံစားဖို့ အချိန်မရခဲ့တဲ့သူ >> သူ့ဖြတ်သန်းမှုမှာ >> လွတ်လပ်ရေးဆိုတာ တစ်ခုတည်းနဲ့ >> ပကတိ ရိုးရှင်းသန့်စင်ခဲ့တဲ့သူ >> သူ့ကို ဒဂုန်တာရာက ကင်ပွန်းတပ် >> အောင်ဆန်း သို့မဟုတ် အရိုင်းတဲ့။ >> >> လုပ်သက်က ခပ်နုနု >> ကျောင်းသား ပေါက်စ >> သခင် ပေါက်စ >> စစ်သား ပေါက်စ >> နိုင်ငံရေးသမား ပေါက်စ >> ဘ၀တွေက အဖုံဖုံ >> အသက်က ၃၀ မရှိ တရှိ။ >> >> ဒီအောင်ဆန်း လက်တောက်လောက်လေးကို >> ဘာ့ကြောင့် >> နေမ၀င် အင်ပါယာကြီး ဒူးထောက်ခဲ့ရပါသလဲ...။ >> >> တကယ်ဆိုတော့ >> ငါတို့ အောင်ဆန်းက >> နယ်နယ်ရရ မဟုတ်- >> ရိုးသားတဲ့ မြန်မာတွေထက်ပို >> ရိုးသားတဲ့ အောင်ဆန်း >> သတ္တိပြောင်တဲ့ မြန်မာတွေထက်ပို >> သတ္တိရှိတဲ့ အောင်ဆန်း >> စွန့်လွှတ်ရဲတဲ့ မြန်မာတွေထက်ပို >> စွန့်လွှတ်ပြတဲ့ အောင်ဆန်း၊ >> ဒီလို အောင်ဆန်း >> သူ့သွေးသား အရိုးအချဉ်တွေ အားလုံး >> လွတ်လပ်ရေး တစ်ခုတည်းနဲ့ အပြီး >> စုစည်းတည်ဆောက်ပြတဲ့ အောင်ဆန်း >> တကယ့်အရိုးခံ အောင်ဆန်းပေါ့။ >> >> ဒီအောင်ဆန်းကို >> လွတ်လပ်ရေးလမ်းဝမှာ ဘွားကနဲ မြင်လိုက်ရရုံပဲ >> အောင်ဆန်းရဲ့ဆရာတွေ မှိုင်း၊ မြ၊ ချိုတို့ကအစ >> ""ငါတို့ အားကိုးပါရစေ"" ဆိုလာကြ၊ >> ရှေးဘိုးဘွားမိဘပြည်သူတွေက >> ""ငါတို့ကယ်မယ့် မင်းလောင်းပေါ်ပြီ"" ပြုံးပျော်ကြ >> လူငယ်သွေးသောက်မြန်မာတွေက >> ""ငါတို့ စွန့်ပါရစေ"" ဆိုပြီး ရှေ့ထွက်လာကြ >> စုကြ၊ ရုံးကြ၊ စည်းလုံးကြ >> တကယ့်ဗမာတွေ >> မဟာအောင်ဆန်းအနောက်က >> ပြည်သူ့ ဒီလှိုင်းလုံးကြီးတွေရဲ့ >> တ၀ုန်းဝုန်း ရိုက်ခတ်သံဟာ >> အဲဒီအချိန်က ၀ိတိုရိယဘုရင်မကြီးကိုတောင် >> အိပ်မက်တွေ အေးခဲစေခဲ့သပေါ့။ >> >> အောင်ဆန်းရှေ့ရောက်ရင် >> ရှမ်းတွေက ရှမ်းစကားမဆိုကြ >> ကချင်တွေကလည်း ကချင်စကားမဟကြ >> အောင်ဆန်းကို ယုံကြည်စွာနဲ့ >> သူတို့ သခင်အဖြစ် သိမှတ်ပြုကြ >> အားလုံးသော တိုင်းရင်းသားတွေ။ >> >> ဒီပြည်လုံးကျွတ်အားကို စုစည်းနိုင်ခဲ့လိုလည်း >> အင်္ဂလိပ်တွေက ဒီအောင်ဆန်းလက်တောက်လောက်နဲ့ >> တစ်စားပွဲထဲ ၀ိုင်းခဲ့ကြပေါ့ >> အကင်းပါးသူတွေပီပီ >> မတိုက်မီက ရှုံးနေတဲ့ ဒီစစ်ကို >> ဒင်းတို့ မတိုက်ဝံ့ကြ >> မျက်နှာမပျက် အောင်မြင်စွာ ဆုတ်ခွာမယ့်လမ်းကို >> သူတို့ ရွေးခဲ့ကြ >> အောင်ဆန်းနဲ့အတွေ့မှာ။ >> >> ယုံကြည်အားကိုးတဲ့ >> မျက်လုံးပေါင်း သန်း ၆၀ >> အောင်ဆန်းမှာ ရှိတယ် >> လွတ်လပ်ရေးကို တရှိုက်မက်မက်တောင့်တတဲ့ >> နှလုံးသားသန်း ၃၀ အောင်ဆန်းမှာရှိတယ် >> အောင်ဆန်းသေဆို သေပြ၀ံ့တဲ့သူ >> အောင်ဆန်းမှာ တပြည်လုံးရှိတယ် >> ဒီ မျက်လုံးနှလုံးအသက် >> ဗို့အားသိန်းသန်းချီ မီးဆလိုက်အားတွေနဲ့ >> နေမ၀င်အင်ပါယာကို ပြတ်ပြတ်သားသား လှမ်းထိုးလိုက်တဲ့အခါ >> အခြောက်တိုက် ဘ၀င်မြင့်နေသူတွေ >> အားလုံး အရည်ပျော်သွားခဲ့ကြ။ >> >> ဘယ်ရာဇ၀င်မှာ ခင်ဗျားတို့ တွေ့ဘူးလဲ။ >> ဂျပန်ဆိုတာ မနူးမနပ်မဟုတ်ဘူး။ >> အင်္ဂလိပ်ဆိုတာက ဝေလာဝေး >> သူငယ်နှပ်စားမဟုတ်။ >> ဒင်းတို့တွေတောင် ရအောင် စည်းရုံးနိုင်တဲ့သူ >> အောင်ဆန်း >> ဒီအောင်ဆန်းက စစ်ကို မလို >> ဒါပေမဲ့ ရရင်ရ မရရင်ချ ဆိုတာ အောင်ဆန်းဝါဒ >> လွတ်လပ်ရေးကို အမြန်ဆုံးလိုချင်နေတဲ့ >> အဲ့ဒီအချိန် ပြည်သူတွေရဲ့ >> တစ်ဦးတည်းသော ကိုယ်စားလှယ် >> ငါတို့ အောင်ဆန်းပေါ့။ >> >> အောင်ဆန်း >> ဒီအချိန်ဆို >> ၉၃ နှစ်ရှိပြီ >> အောင်ဆန်းပြောမယ် >> အဘိုးရဲ့စကား နားထောင်...။ >> >> ""မမေ့နဲ့ >> မင်းတို့ကနေ့ ရှုနေတဲ့ လေဟာ >> ငါတို့မနေ့က ချွေးစက်တွေဆိုတာ >> မမေ့နဲ့ >> မင်းတို့ မြန်မာဆိုတဲ့ စကားတစ်ခွန်းကိုရဖို့ >> ငါတို့ဘုံးဘောလအော ကျဆုံးပေးခဲ့ရတာ >> မမေ့နဲ့ >> မင်းတို့ကမ္ဘာ့မြေပုံပေါ်တက်နိုင်ဖို့ >> ငါတို့အလောင်းကောင်တွေဆင့်ပြီး ထမ်းတင်ပေးခဲ့တာ >> မမေ့နဲ့။"" >> >> မြန်မာလူမျိုးတိုင်းမှာ >> အဖေနှစ်ယောက်ရှိတယ် >> တစ်ယောက်က >> ကိုယ့်သွေးသားအဖေ >> ကျန်တစ်ယောက်က >> မြန်မာလူမျိုးကို မွေးပေးတဲ့အဖေ >> မြန်မာလူမျိုးရဲ့အဖေ >> မြန်မာ့အဖေ >> အောင်ဆန်းပေါ့။

ရှမ်းလက်နက်ကိုင်များကိစ္စနှင့် ပတ်သတ်၍ မြန်မာစစ်တပ်နှင့် KIA ထိပ်တိုက်တွေ့

5/01/2011 10:14:00 AM | Labels: ဘာသာပြန်

ရှမ်းပြည် လွတ်မြောက်ရေး တပ်မတော်-မြောက်ပိုင်း SSA (N) နှင့်ပတ်သက်၍ ရှမ်းပြည်နယ်တွင် မြန်မာစစ်တပ်နှင့် ကချင်လွတ်မြောက်ရေး တပ်မတော် (KIA) တို့အကြား တင်းမာမှု ထပ်မံ ပေါ်ပေါက်လျက် ရှိသည်ဟု Kachin News Group (KNG) က မနေ့က ပြောကြားသည်။ ဧပြီ လဆန်း ပိုင်းတွင် မြန်မာ အစိုးရ တပ်ဖွဲ့များက ရှမ်းစစ်သားများကို ရှာဖွေရန် အတွက် KIA အမှတ် ၄ တပ်မဟာ၏ နယ်မြေများဖက်သို့ ဦးတည်လာခဲ့ခြင်းကြောင်း ရှမ်းပြည် မြောက်ပိုင်းတွင် အချိန်မရွေး စစ်ဖြစ်လာနိုင်ကြောင်း KIA တာဝန်ရှိသူများက ပြောဆိုခဲ့ကြသည်။

KIA တပ်မဟာ ၄ အခြေစိုက်သော ဒေသမှာ ရှမ်းပြည် မြောက်ပိုင်း ကွတ်ခိုင် အနီးမှ လွိုင်ကန်ဖြစ်သည်။ KIA တပ်မဟာ ၄ သည် ရှမ်းပြည် မြောက်ပိုင်းတွင် တပ်ရင်း ၅ ရင်း ဖွဲ့စည်းထားပြီး တပ်ရင်း ၁၇၊ တပ်ရင်း ၂၉ တို့နှင့် အနီးဆုံး နယ်မြေများတွင် မြန်မာအစိုးရ တပ်ဖွဲ့များနှင့် SSA-N တို့ လတ်တလော တိုက်ပွဲ ဖြစ်ပွားနေသည်။

 ကချင်လွတ်မြောက်ရေးတပ်မတော်၏ စစ်သင်တန်းပို့ချနေစဉ်

တစ်ချိန်ထဲတွင် KIA တပ်ရင်း ၂ ၊ တပ်ရင်း ၈၊ တပ်ရင်း ၉ နှင့် လွိုင်ကန် တပ်မဟာ ဌာနချုပ် တို့၏ နယ်နမိတ်စည်းများ အပြင်ဖက်တွင် မြန်မာ အစိုးရ တပ်ဖွဲ့များ နေရာယူ တပ်စွဲထားကြောင်း၊ သို့သော်လည်း ယခုအချိန်ထိ KIA နယ်မြေများထဲသို့ ဝင်လာခြင်း မရှိသေးကြောင်း တပ်မဟာ ၄ သတင်းရပ်ကွက် အဆိုအရ သိရှိရသည်။ မြန်မာနိုင်ငံ၏ ဒုတိယ အင်အား အကြီးဆုံး တိုင်းရင်းသား လက်နက်ကိုင်အုပ်စု ဖြစ်သည့် KIA တွင် တပ်မဟာ ၅ ခုရှိ၍ ၎င်းတို့အနက် တပ်မဟာ ၄ ခုမှာ ကချင်ပြည်နယ်တွင် အခြေစိုက်သည်။ ၎င်းတို့တွင် တပ်ရင်း ၃၀ ခန့် ဖွဲ့စည်းထားကာ အမြဲတမ်းနှင့် အရံ တပ်ဖွဲ့ဝင်များ အပါအဝင် စုစုပေါင်း အင်အား ၃၀၀၀၀ ကျော် ရှိသည်ဟု KIA က ပြောကြားသည်။

KIA တပ်ဖွဲ့များသည် မြန်မာ အစိုးရ တပ်ဖွဲ့များနှင့် တိုက်ခိုက်ရန် အသင့်အနေအထား ရှိနေကြောင်းနှင့် တားမြစ်ထားသော နယ်မြေ ပိုင်နက် များထဲသို့ မြန်မာအစိုးရတပ်များ ဝင်ရောက်လာပါက KIA အနေဖြင့် အခြား ရွေးချယ်စရာ မရှိကြောင်း KIA  တပ်မဟာ ၄ ဥက္ကဌ  လဖိုင်ဇော်ရော်က ပြော ကြားခဲ့သည်ဟု KNG သတင်းဌာနက ထုတ်ပြန်ခဲ့သည်။ တပ်မဟာ ထိန်းချုပ် နယ်မြေထဲသို့ မြန်မာ အစိုးရတပ်ဖွဲ့များ ထိုးဖောက် ဝင်ရောက်လာသည်နှင့် စစ်ရေးအရ တုန့်ပြန် ဆောင်ရွက်ရန် တပ်မဟာ ၄ ကို ညွှန်ကြားထားသည်ဟုလည်း KIA တာဝန်ရှိသူများက ပြောကြားသည်။

“တပ်မဟာ ထိန်းချုပ် နယ်မြေအတွင်းသို့ ဝင်ရောက် လွတ်မြောက်သွားသော SSA-N တပ်သားများကို ရှာဖွေမည့် မြန်မာ အစိုးရတပ်များ၏ အကြောင်းပြချက်ကို တပ်မဟာ ၄ က ပယ်ချခဲ့သည်။ KIA နယ်မြေထဲသို့ မြန်မာ အစိုးရတပ်များ မည်သည့် အကြောင်းပြချက်နှင့်မှ ဝင်ရောက်ခွင့် မရှိပါ” ဟု လဖိုင်ဇော်ရော်က ဆိုသည်။

မြန်မာ အစိုးရတပ်များနှင့် SSA-N အကြားမှ နောက်ဆုံး တိုက်ပွဲ အခြေအနေများကို KIA က အနီးကပ် စောင့်ကြည့်နေကြောင်း KIA တာဝန်ရှိ သူများ၏ ပြောကြားမှုအရ သိရှိရသည်။ KIA နှင့် SSA-N နှစ်ဖွဲ့စလုံးသည် တိုင်းရင်းသား လက်နက်ကိုင် ၁၂ ဖွဲ့ဖြင့် အသစ် ထူထောင်ထားသော နိုင်ငံရေးနှင့် စစ်ရေး မဟာမိတ် ကောင်စီ United Nationalities Federal Council (UNFC) တွင် အဖွဲ့ဝင်များ အဖြစ် ပါဝင်ကြသည်။ မြန်မာစစ်တပ်နှင့် SSA-N အကြား ဖြစ်ပွားသော လက်ရှိ တိုက်ပွဲသည် ယခင်လက ဖွဲ့စည်းခဲ့သည့် UNFC ကောင်စီကို အကဲစမ်းခြင်း ဖြစ်သည်ဟု တရုတ် နယ်စပ်မှ စစ်ရေး အကဲခတ်များက မှတ်ချက်ပေးကြသည်။

ရှမ်း-မြောက် အခြေစိုက် KIA တပ်မဟာ ၄ ၏ လက်အောက်တွင် တပ်ရင်း ၅ ရင်းနှင့် ပြည်သူ့စစ် ကာကွယ်ရေး တပ်ဖွဲ့ ၅ ဖွဲ့ရှိပြီး အင်အား ၄၀၀၀ ကျော်ရှိသည်။ အစောပိုင်းတွင် မြန်မာ အစိုးရက KIA တပ်မဟာ ၄ ကို မြန်မာ့တပ်မတော် လက်အောက်ခံ ဒေသခံ ပြည်သူ့စစ် တပ်ရင်း ၃ ရင်း အဖြစ် အသွင်ပြောင်းရန်နှင့် သို့မဟုတ်ပါက ကချင်ပြည်နယ် အတွင်းသို့ ပြောင်းရွှေ့ ဆုတ်ခွာရန် ဖိအားပေးခဲ့သည်။

ထိုကဲ့သို့ တပ်မတော် အစိုးရ၏ အဆိုပြုချက်ကို KIA က ပယ်ချခဲ့ပြီး အကယ်၍ ရှမ်း-မြောက် အခြေစိုက် တပ်မဟာ ၄ ကို မြန်မာစစ်တပ်က စတင် ထိုးစစ်ဆင် တိုက်ခိုက်ပါက ကချင်ပြည်နယ်တွင် စစ်ပွဲ ဖြစ်ပွားလိမ့်မည်ဟု ပြန်လည် သတိပေးခဲ့သည်။

မြန်မာ တပ်မတော် အစိုးရက မနှစ်က အောက်တိုဘာ ၁၅ ရက်တွင် KIA တပ်ဖွဲ့ကို “သောင်းကျန်းသူများ” ဟု ခေါ်ဝေါ်ခဲ့သည်။ ယင်းစွပ်စွဲချက် ကို KIA က ပယ်ချကာ ၁၉၉၄ အပစ်ရပ် သဘောတူညီချက်ကို ယနေ့တိုင် ထိန်းသိမ်းလျက် ရှိသည်။ ယာယီ စစ်ပြေငြိမ်းမှုသည် မြန်မာ အစိုးရကြောင့် ၂၀၁၀ စက်တင်ဘာတွင် ပျက်ပြားသွားရသည်ဟု KIA တာဝန်ရှိသူများက ဆိုသည်။

ဘန်ကောက် အခြေစိုက် KIO နိုင်ငံခြား ဆက်ဆံရေး လက်ထောက် ဌာနမှူး ဂျိမ်းစ်လွမ်ဒေါင်က သတင်းထောက်များအား ပြောကြားရာ၌ မြန်မာ စစ်တပ်နှင့် ဖြစ်ပွားနိုင်သည့် စစ်ပွဲသည် မြန်မာ အစိုးရ၏ ဆုံးဖြတ်ချက်ပေါ်တွင်သာ လုံးဝ မူတည်နေကြောင်းနှင့် KIA တပ်ဖွဲ့၏  စတင် ကျူး ကျော် တိုက်ခိုက်မှု လုံးဝ ရှိလိမ့်မည် မဟုတ်ကြောင်း အတိအလင်း ထုတ်ဖော် ပြောဆိုခဲ့သည်။

ယခုကဲ့သို့ စစ်ရေး တင်းမာမှု ကြီးထွားနေသည့် အတောအတွင်း KIA ၏ နိုင်ငံရေး ဌာနခွဲ KIO က တပ်မတော် ကျောထောက်နောက်ခံပြု မြန်မာ အစိုးရ အဖွဲ့သစ်နှင့် နိုင်ငံရေး ဒိုင်ယာလော့ ဆွေးနွေးရန် လိုလားနေကြောင်း လိုင်ဇာ ဌာနချုပ်မှ KIO တာဝန်ရှိသူ တစ်ဦး၏ အဆိုအရ သိရှိရ သည်။

အပစ်အခတ် ရပ်စဲမှု ၁၆ နှစ်တာ ကာလအတွင်း နိုင်ငံရေး ဒိုင်ယာလော့ လုံးဝ မရှိခဲ့ပဲ နိုဝင်ဘာ ၇ ရက် ရွေးကောက်ပွဲ မတိုင်မီ လက်နက်ချ ရန် နှင့် မြန်မာ့တပ်မတော် လက်အောက်ခံ နယ်ခြားစောင့် တပ်အဖြစ် အသွင်ပြောင်းရန် KIO ကို ခြိမ်းခြောက်မှုသာ ရှိခဲ့သည်။KIO က နယ်ခြားစောင့်တပ် အစီအစဉ်ကို ငြင်းပယ်ခဲ့ပြီး ၎င်း၏ လက်နက်ကိုင်အဖွဲ့ အသွင်ပြောင်းရမည့် အစီအစဉ်ကို လက်မခံနိုင်ဟု ပြောကြားခဲ့သည်။

(Asia Correspondent မှ ဆောင်းပါးကို ဘာသာပြန်သည်။)