ကျန်းမာရေး နှင့် လုံခြုံရေး

ဒီစကားလုံးလေး နှစ်ခုကို အပေါ်ယံ အနေနဲ့ ကြည့်လိုက်ရင် ဆက်စပ်တယ်လို့ သိပ်မထင်ရပါဘူး။ ကျန်းမာရေးဆိုတဲ့ စကားလုံးကို ကြားရသူတွေက ဆေးရုံ၊ ဆေးခန်း၊ ဆရာဝန်၊ သူနာပြု၊ “ဆေးလိပ် သောက်ခြင်းသည် ကျန်းမာရေးကို ထိခိုက် စေနိုင်သည်“ ဆိုတဲ့ စာသား၊ အေအိုင်ဒီအက်စ်၊ ကင်ဆာစတဲ့ ရောဂါဆိုးတွေ၊ ဒဗလျူအိတ်ဂ်ျအို၊ ယင်လုံအိမ်သာ ဆောက်လုပ်ရေး စတဲ့ အကြောင်းအရာ တွေကိုပဲ မြင်ယောင် မိကြမှာ ဖြစ်ပါတယ်။ လုံခြုံရေး ဆိုတဲ့ စကားလုံးကို ကြားရ သူတွေကလဲ စစ်တပ်၊ ရဲ၊ လုံခြုံရေး ၀န်ထမ်း၊ အကြမ်းဖက်မှု၊ ဗုံးပေါက်ကွဲမှု၊ ဒုစရိုက်မှု ပပျောက်ရေး၊ နေတိုးအဖွဲ့၊ ကုလသမဂ္ဂ လုံခြုံရေး ကောင်စီ စတာတွေကိုပဲ စဉ်းစား မိကြမှာ ဖြစ်ပါတယ်။

ကျန်းမာရေး လုပ်သား တွေကလဲ နိုင်ငံရေး၊ နိုင်ငံတော် လုံခြုံရေး၊ အပြည်ပြည်ဆိုင်ရာ လုံခြုံရေး ကိစ္စတွေဟာ ကိုယ်နဲ့ မပတ်သက် သလိုပဲ ယူဆ မိကြပါလိမ့်မယ်။ လုံခြုံရေး လုပ်သား တွေကလဲ မိသားစု ကျန်းမာရေး ကိစ္စရပ်က လွဲရင် ပြည်သူလူထု ကျန်းမာရေး ဆိုတာ မိမိနဲ့ သိပ်မပတ်သက်တဲ့ ရေးရာ တခုလို့ပဲ သတ်မှတ် ပါလိမ့်မယ်။ ဒါပေမယ့် ၂၁ရာစု ခေတ်မှီ တိုးတက်တဲ့ ကမ္ဘာကြီးမှာ ကျတော့ နိုင်ငံရေး၊ စီးပွားရေး၊ လူမှုရေး၊ ကျန်းမာရေး၊ လုံခြုံရေး ကဏ္ဍတွေဟာ တခုနဲ့ တခု အပြန်အလှန် ဆက်စပ်တဲ့ ကဏ္ဍတွေ ဆိုတာကို လူအများက လက်ခံ နားလည် လာခဲ့ကြရ ပါတော့တယ်။ တိုးတက်တဲ့ နိုင်ငံ များရဲ့ နိုင်ငံခြားရေး မူဝါဒ၊ နိုင်ငံတော် လုံခြုံရေး မူဝါဒတွေမှာ ကျန်းမာရေး ကဏ္ဍကို ထည့်သွင်း လာကြရသလို၊ ကျန်းမာရေး မူဝါဒမှာလဲ အရေးပေါ် လုံခြုံရေး အခြေအနေတွေ၊ အကြမ်းဖက် တိုက်ခိုက် ခံရမှု အခြေအနေ တွေမှာ ပြည်သူ့ ကျန်းမာရေးနဲ့ ပတ်သက်တဲ့ လုပ်ငန်း ဆောင်တာ တွေကို မရှိမဖြစ် ထည့်သွင်း လာကြရ ပါတော့တယ်။ နိုင်ငံတော် လုံခြုံရေးကို ခြိမ်းချောက်တဲ့ အန္တရာယ်တွေရဲ့ သဘော သဘာဝ (Nature of Threats) ကို လေ့လာ ဆန်းစစ်မှု တွေမှာလဲ နယ်စပ်ဖြတ်ကျော် ရာဇ၀တ်မှု၊ အကြမ်းဖက်မှု၊ ဆင်းရဲနွမ်းပါးမှု၊ အုပ်ချုပ်ရေး ညံ့ဖျင်းမှု စတာတွေနဲ့အတူ ပြည်သူ့ ကျန်းမာရေးကိုပါ ထည့်သွင်း ဆန်းစစ် ချက်တွေ ပြုလုပ် လာကြရ ပါတော့တယ်။

ပြည်သူ့ ကျန်းမာရေး ကဏ္ဍနှင့် နိုင်ငံတကာအဆင့် ပူးပေါင်း ဆောင်ရွက်မှု

(၁၉) ရာစုမှာ ဥရောပနဲ့ တခြား ဒေသတွေ အကြားက ကုန်သွယ်မှုတွေ တိုးတက် လာခဲ့ပါတယ်။ ကုန်သွယ်မှု တိုးတက် လာမှုနဲ့အတူ တပြိုင်တည်း တိုးတက် လာခဲ့တာကတော့ ကူးစက်ရောဂါ ပိုးမွှား တွေပဲ ဖြစ်ပါတယ်။ ဒီအခါမှာ ရောဂါဘယ ဆိုတာ နိုင်ငံတော် တိုးတက် ဖွံ့ဖြိုးရေးကို ထိခိုက် စေနိုင်တဲ့ အန္တရာယ် တခုအနေနဲ့ သတ်မှတ် လာခဲ့ကြပြီး နိုင်ငံတကာအဆင့် ပူးပေါင်း ဆောင်ရွက်မှုနဲ့ ဖြေရှင်းရမယ့် ပြဿနာ တရပ် အနေနဲ့ နိုင်ငံ ခေါင်းဆောင်များ အသိအမှတ် ပြုလာကြပြီး၊ နိုင်ငံတကာက လက်ခံ သဘောတူတဲ့ ကျန်းမာရေး ဆိုင်ရာ နည်းဥပဒေတွေ ပြဌာန်း လာခဲ့ကြ ပါတယ်။ ဒါကြောင့် ပြည်သူ့ ကျန်းမာရေး ကဏ္ဍကို နိုင်ငံတကာအဆင့် ပူးပေါင်း ဆောင်ရွက်မှုရဲ့ သမိုင်းအစဟာ (၁၉) ရာစု ဥရောပတိုက်ရဲ့ လုံခြုံရေးရာ တွက်ချက် အကဲဖြတ်မှု ကနေ ဆင်းသက် လာတာလို့ ဆိုနိုင် ပါတယ်။

၂၀ ရာစု အစောပိုင်း ကာလများ မှာကျတော့ ပြည်သူ့ ကျန်းမာရေးနဲ့ လုံခြုံရေး အကြားက ဆက်နွယ်မှုတွေက ပိုမိုသိသာ ထင်ရှား လာခဲ့ပါတယ်။ ဘာလို့လဲ ဆိုတော့  ဒီကာလတွေမှာ ကမ္ဘာနဲ့အ၀ှမ်း စစ်ပွဲကြီး၊ စစ်ပွဲ ငယ်လေးတွေ ဖြစ်ပွား ခဲ့လို့ပါပဲ။ နိုင်ငံတခုမှာ စစ်ပွဲတွေ ရှိနေရင်၊ နိုင်ငံတော် အကြမ်းဖက်မှု အပါအ၀င် အကြမ်းဖက်မှု သဏ္ဍာန် အမျိုးမျိုး ရှိနေရင် ပြည်သူ့ ကျန်းမာရေးကို မြှင့်တင် ဆောင်ရွက် ပေးရာမှာ ထိရောက်မှု အားနည်းပါတယ်။ အဓိက အချက်ကတော့ နိုင်ငံတော်ရဲ့ ကျန်းမာရေး ကဏ္ဍမှာ ဘဏ္ဍာငွေ ခွဲဝေ သုံးစွဲမှု လျော့နည်း လို့ပါပဲ။ ဒါကြောင့်လဲ စစ်အသုံးစရိတ် ကြီးမားပြီး၊ ခေတ်မီ တပ်မတော် တည်ဆောက် ရေးကိုပဲ အာရုံစိုက်နေတဲ့ အာဏာရှင် နိုင်ငံတွေမှာ ပြည်သူလူထုကို ကျန်းမာရေး စောင့်ရှောက်မှု အားနည်းချက် ရှိတာပဲ ဖြစ်ပါတယ်။ စစ်ပွဲနဲ့ ပဋ္ဋိပက္ခ တွေကြောင့် ပြည်သူ့ ကျန်းမာရေး အပေါ်မှာ တိုက်ရိုက် အကျိုးသက်ရောက်မှု ဖြစ်တဲ့ သေဆုံးမှု များပြားခြင်း ဆိုတာ ဖြစ်နိုင်သလို သွယ်ဝိုက်အကျိုး သက်ရောက်မှု ဖြစ်တဲ့ ဆေးရုံ၊ ဆေးခန်း ပုံမှန် လည်ပတ်မှု ပြတ်တောက်ခြင်း၊ ဆရာဝန်၊ သူနာပြုစတဲ့ ကျန်းမာရေး လုပ်သားတွေ နည်းပါး ခြင်း၊ သောက်သုံးရေ ရှားပါးမှုနဲ့ စစ်ဘေး ဒုက္ခသည် များပြားမှု စတာတွေကြောင့် ကူးစက်ရောဂါများ ဖြစ်ပွားခြင်း စတာတွေလဲ ဖြစ်စေနိုင်ပါတယ်။

ဒါကြောင့် ဒီကာလတွေမှာ ကျန်းမာရေးနဲ့ လုံခြုံရေး ကိစ္စရပ်တွေကို ကမ္ဘာ့ ခေါင်းဆောင်များက အာရုံထား ခဲ့ကြပြီး၊ ဒုတိယ ကမ္ဘာစစ်ပြီး ကာလတွေ ကျတော့ ပြည်သူ့ ကျန်းမာရေး ကဏ္ဍ တိုးမြှင့် ဆောင်ရွက်ရေး လုပ်ငန်းစဉ်တွေကို အလေးပေး ဆောင်ရွက်ခဲ့ကြပါတယ်။ ၁၉၄၈ မှာ ပေါ်ပေါက်လာခဲ့တဲ့ ကမ္ဘာ့ကျန်းမာရေး အဖွဲ့ကြီးရဲ့ လုပ်ငန်းဆောင်တာတွေဟာ ၁၉၇၀ ကာလတွေမှာကျတော့ “လူတိုင်းအတွက် ကျန်းမာရေး“ ဆိုတဲ့ ဆောင်ပုဒ်နဲ့ အတူ အရှိန်အဟုန်နဲ့ တိုးတက်လာခဲ့ပါတယ်။ အနောက်နိုင်ငံတွေမှာ ကူးစက် ရောဂါ ပြန့်ပွားနှုန်း တဟုန်ထိုး လျော့ကျသွားပါတယ်။ ဒီလိုအောင်မြင်မှုတွေ ကြီးမားလာခဲ့တာကြောင့် ကျန်းမာရေး ဆိုင်ရာ ပြဿနာရပ် တွေဟာ ဖွံ့ဖြိုး တိုးတက်ရေး ဆိုင်ရာ ပြဿနာ တွေအဖြစ်ပဲ သတ်မှတ်ပြီး၊ လုံခြုံရေးရာ ကိစ္စတွေမှာ ထည့်သွင်း အာရုံစိုက်ခြင်း မရှိကြတော့ပါဘူး။

ဒီအခြေအနေ တွေဟာ ၁၉၉၀ ဆယ်စုနှစ် နှောင်းပိုင်း ကာလတွေမှာ ပြောင်းလဲ လာပါတော့တယ်။ ၁၉၉၉ ခုနှစ်၊ အမေရိကန် ပြည်ထောင်စု ဗဟို ထောက်လှမ်းရေး အေဂျင်စီ (စီအိုင်အေ)ရဲ့ အစီရင်ခံစာမှာ ကူးစက် ရောဂါတွေ ကနေ တဆင့် အမေရိကန် ပြည်ထောင်စုရဲ့ လုံခြုံရေးကို ထိခိုက် စေနိုင်မယ့် အန္တရာယ် တွေကို မီးမောင်း ထိုးပြ ခဲ့ပါတယ်။ ကူးစက် ရောဂါဆိုး တွေဟာ အမေရိကန်ပြည် ထောင်စုကို သာမက စီးပွားရေး ဖွံ့ဖြိုး တိုးတက်မှု၊ နယ်မြေ ဒေသ လုံခြုံရေး၊ နိုင်ငံတကာ တိုးတက် ဖွံ့ဖြိုးရေးနဲ့ တည်ငြိမ်ရေး ကိုပါ ထိခိုက်နိုင်ကြောင်း ရေးသား ဖော်ပြခဲ့ ပါတယ်။ ဇန်န၀ါရီ၊ ၂၀၀၀ ပြည့်နှစ် ရောက်တော့ ကုလသမဂ္ဂ လုံခြုံရေး ကောင်စီ အစည်းအဝေးမှာ အာဖရိကတိုက် လုံခြုံရေးနဲ့ ဖွံ့ဖြိုး တိုးတက်ရေးကို ခြိမ်းချောက်နေတဲ့ အိတ်ခ်ျအိုင်ဗွီ၊ အေအိုင်ဒီအက်စ် ပြဿနာကို ဆွေးနွေးကြပြီး၊ လုံခြုံရေး ကောင်စီရဲ့ Resolution 1308 မှာ အိတ်ခ်ျအိုင်ဗွီ၊ အေအိုင်ဒီအက်စ် ကူးစက် ပြန့်ပွားမှုကို မထိန်းချုပ်နိုင်ရင် ဒါဟာ လုံခြုံရေးနဲ့ တည်ငြိမ် အေးချမ်းရေးကို ထိခိုက် စေနိုင်မယ် ဆိုတဲ့ အချက်ကို အတိအလင်း ဖော်ပြခဲ့ပါတယ်။

လုံခြုံရေး ကောင်စီ အစည်းအဝေး တုန်းက ဆွေးနွေးခဲ့တဲ့ အချက်တွေက အိတ်ခ်ျအိုင်ဗွီ၊ အေအိုင်ဒီအက်စ်ရဲ့ လူမှု တည်ငြိမ်အေးချမ်းမှုနဲ့ ငြိမ်းချမ်းရေး ထိန်းသိမ်းမှု မစ်ရှင် တွေအပေါ် အကျိုး သက်ရောက်မှု  တွေကိုပဲ ဦးတည် ဆွေးနွေး ခဲ့ကြတာ ဖြစ်ပါတယ်။ ဒါပေမယ့် ဒီဆွေးနွေးမှု တွေဟာ ဒီကိစ္စ ရေးရာတွေမှာတင် မရပ်တန့် ခဲ့ပါဘူး။ ကမ္ဘာ့နိုင်ငံရေး ဆွေးနွေးပွဲတွေမှာ နေရာ ယူလာခဲ့ပြီး၊ များမကြာခင် နှစ်ပိုင်း အတွင်းမှာပဲ နိုင်ငံခြားရေး၊ ပြည်ထဲရေး ၀န်ကြီးတွေရဲ့ ကြေညာ စာတမ်းတွေ၊ G8 ဆွေးနွေးပွဲ တွေဆီ ရောက်သွား ခဲ့ပါတော့တယ်။ ၂၁ ရာစုရဲ့ ပထမ ဆယ်စုနှစ် အလယ်ပိုင်း ရောက်တော့ နိုင်ငံတော် လုံခြုံရေး agenda တွေ၊ နိုင်ငံခြားရေး မူဝါဒတွေမှာ ကျန်းမာရေးဆိုင်ရာ ကိစ္စ ရေးရာတွေ ကိုပါ ထည့်သွင်း လာကြရ ပါတော့တယ်။

ကျန်းမာရေးဆိုင်ရာ ပြဿနာ ရပ်များသည် လုံခြုံရေးဆိုင်ရာ ပြဿနာရပ်များပင်ဖြစ်သည်

ကျန်းမာရေးနဲ့ လုံခြုံရေးရာ ဆက်နွယ်မှုတွေ ၁၉၉၀ နှောင်းပိုင်း ကာလတွေမှာ ကျယ်ကျယ်ပြန့်ပြန့် ဖြစ်လာ ရခြင်းရဲ့ အခြေခံ အချက်နှစ်ချက် ရှိပါတယ်။ ပထမ တချက်ကတော့ စစ်အေး တိုက်ပွဲလွန် ကာလတွေရဲ့ နိုင်ငံတော် လုံခြုံရေး ဆိုတဲ့ သဘောတရားကို ကျယ်ကျယ်ပြန့်ပြန့် ရှု့မြင် လာကြလို့ပဲ ဖြစ်ပါတယ်။ ရှေးယခင် ကာလတွေ တုန်းက နိုင်ငံတော် လုံခြုံရေး ဆိုတာကို စစ်တပ်၊ ရဲ၊ ထောက်လှမ်းရေး စတဲ့ လုံခြုံရေး အဖွဲ့အစည်း တွေကို အသုံးပြုပြီး လူ့အဖွဲ့ အစည်းကို ခြိ်မ်းချောက် လာနိုင်တဲ့ ပြည်တွင်း ပြည်ပ အန္တရာယ် တွေကို ကာကွယ်ပေးရေး၊ ငြိမ်းချမ်းရေးနှင့် တရားဥပဒေ စိုးမိုးရေး စတဲ့ ကျဉ်းမြောင်းတဲ့ ရှုထောင့် တွေကနေ ရှု့မြင် တတ်ကြပါတယ်။ ဒါပေမယ့် စစ်အေး တိုက်ပွဲလွန် ကာလ တွေမှာကျတော့ ဖွံ့ဖြိုး တိုးတက်တဲ့ နိုင်ငံတွေမှာ ကျယ်ပြန့်တဲ့ အတွေးအမြင်တွေ ထွက်ပေါ် လာခဲ့ကြပါတယ်။ စားဝတ်နေရေး မပြေလည်တဲ့ တိုင်းပြည်မှာ ရာဇ၀တ်မှု ထူပြောတတ်တာ၊ ကျန်းမာရေး၊ ပညာရေး လူမှု အခွင့်အလမ်းတွေ မရှိတဲ့ တိုင်းပြည်မှာ လူသားတွေရဲ့ လုံခြုံရေးကို စောင့်ရှောက်ပေးဖို့ ခက်ခဲတယ် ဆိုတာကို သိမြင် လာခဲ့ကြ ပါတယ်။

ဒါကြောင့်လဲ နိုင်ငံတော် လုံခြုံရေးဆိုင်ရာ security agendas တွေမှာ စစ်ရေး၊ ပြည်ထဲရေး ကိစ္စရပ် တွေကိုသာမက ဖွံ့ဖြိုး တိုးတက်ရေး ဆိုင်ရာ ကိစ္စရပ် တွေကိုပါ ကျယ်ကျယ်ပြန့်ပြန့် ထည့်သွင်း လာကြတာ ဖြစ်ပါတယ်။ ဒါကြောင့်လဲ နိုင်ငံတကာ လုံခြုံရေး၊ နိုင်ငံတော်လုံခြုံရေး ဆိုင်ရာ Risk assessment ပြုလုပ်မှုမှာ “shift from threat to risk allowed security's focus” ဆိုတဲ့ နည်းလမ်း ကနေ 'shift from the idea of a clear and present danger to more probabilistic assessment of potential hazards' ကို ပြောင်းလဲ သွားခဲ့ပါတယ်။ ဒီလို ပြောင်းလဲ မှုတွေဟာ ပြည်သူ့ ကျန်းမာရေး ကိစ္စရပ်တွေကို လုံခြုံရေး ဆိုင်ရာ ကိစ္စရပ် တွေထဲမှာ ထည့်သွင်းနိုင်ဖို့ လမ်းဖွင့်ပေးလိုက် တာပဲဖြစ်ပါတယ်။

နောက်တချက် ကတော့ human agenda ပဲ ဖြစ်ပါတယ်။ ထင်ရှား ကျော်ကြားတဲ့ ပုဂ္ဂိုလ်ကြီး များဟာ သူတို့ရဲ့ ပါဝါနဲ့ လွှမ်းမိုး နိုင်မှုတွေကို အသုံးပြုပြီး ပြည်သူ့ ကျန်းမာရေး ကိစ္စရေးရာ တွေကို နိုင်ငံခြားရေးနဲ့ လုံခြုံရေး မူဝါဒ တွေထဲမှာ ပါဝင်လာအောင် စွမ်းဆောင် ပေးခဲ့ကြပါတယ်။ ဥပမာ ပေးရရင် ကမ္ဘာ့ ကျန်းမာရေး အဖွဲ့ကြီးရဲ့ ဒါရိုက်တာ ဖြစ်ခဲ့တဲ့ (Gro Harlem Brundtland) နဲ့ အမေရိကန် သမ္မတ ကလင်တန်ရဲ့ ကုလသမဂ္ဂရေးရာ သံအမတ် ဖြစ်တဲ့ Richard Holbrooke တို့ပဲ ဖြစ်ပါတယ်။ ၁၉၉၉ ခုနှစ်မှာ အမေရိကန် ပြည်ထောင်စု နိုင်ငံခြား ဆက်ဆံရေး ကောင်စီကို ပေးတဲ့ မိန့်ခွန်းမှာ ကမ္ဘာ့ကျန်းမာရေး အဖွဲ့ကြီးရဲ့ ဒါရိုက်တာဖြစ်တဲ့ Gro Harlem Brundtland က ကမ္ဘာ့လူဦးရေ သန်းပေါင်း များစွာကို ကိုယ်စားပြု နေတဲ့ နိုင်ငံတွေဆီက နိုင်ငံသူ၊ နိုင်ငံသားများရဲ့ ကျန်းမာရေး အခြေအနေ နိမ့်ကျမှုဟာ သက်ဆိုင်ရာ နိုင်ငံရဲ့ စီးပွားရေး တိုးတက်မှု၊ နိုင်ငံရေး တည်ငြိမ်မှုတွေကို တိုက်ရိုက် ထိခိုက်စေရုံ သာမက အမေရိကန် ပြည်ထောင်စု အပါအ၀င် နိုင်ငံ များစွာရဲ့ စီးပွားရေးနဲ့ နိုင်ငံရေး အကျိုးစီးပွားကိုပါ ထိခိုက် စေနိုင်တာကြောင့် ကမ္ဘာ့ ကျန်းမာရေးမှာ ရင်းနှီး မြှုပ်နှံမှုဟာ နိုင်ငံတော် လုံခြုံရေးမှာ ရင်းနှီး မြှုပ်နှံမှု ဖြစ်ကြောင်း ပြောကြား ခဲ့ပါတယ်။

တချိန်တည်း မှာပဲ ၁၉၉၉ ခုနှစ်မှာ အမေရိကန် သမ္မတ ကလင်တန်ရဲ့ ကုလသမဂ္ဂ ရေးရာ သံအမတ်ဖြစ်တဲ့ Richard Holbrooke ဟာ အာဖရိက တိုက်ကို ရောက်ရှိ ခဲ့ပါတယ်။ အဲဒီမှာတင် အိတ်ခ်ျအိုင်ဗွီ၊ အေအိုင်ဒီအက်စ် ကူးစက်ရောဂါ ပျံ့ပွားမှုနှုန်း ကြောက်ခမန်း လိလိ ဖြစ်နေတာကို သူတွေ့မြင် ခဲ့ရပါတယ်။ အဲဒီအချိန်မှာ ကျင့်သုံးနေခဲ့တဲ့ aid-based approaches တွေ၊ အန်ဂျီအို အခြေခံ နည်းလမ်း တွေရဲ့ ထိရောက်မှု အားနည်းချက် တွေကိုလဲ သူတွေ့မြင် လာခဲ့ပါတယ်။ ဒီလို ကူးစက်ရောဂါ ပျံ့ပွားမှုတွေဟာ နိုင်ငံတော် မတည်မငြိမ်ဖြစ်မှုတွေကိုပါ ဦးတည်နေတာကို သိမြင်လာခဲ့ပါတယ်။ နယူးယောက်ကို သူပြန်ရောက်ပြီးတဲ့ အခါမှာတော့ ကုလသမဂ္ဂ လုံခြုံရေး ကောင်စီရဲ့ agenda မှာ အိတ်ခ်ျအိုင်ဗွီ၊ အေအိုင်ဒီအက်စ် ပြဿနာ ပါဝင် လာရေးအတွက် အဓိက နေရာကနေ ကြိုးပမ်း ဆောင်ရွက် ခဲ့ပါတော့တယ်။ အခု ဆက်လက်ပြီး security agenda တွေမှာ ကျန်းမာရေးဆိုင်ရာ ကိစ္စရပ်တွေ ထည့်သွင်း တဲ့အခါ အဓိကထား ထည့်သွင်းတဲ့ အကြောင်းအရာ သုံးခုကို ဆက်လက် ဖော်ပြပါမယ်။

ကူးစက်ရောဂါပျံ့ပွားမှု

ကူးစက်ရောဂါ အသစ်တွေဟာ ကမ္ဘာနဲ့ အ၀ှမ်းမှာ တစတစ ပေါ်ထွက် လာနေပါတယ်။ အိတ်ခ်ျအိုင်ဗွီ၊ အေအိုင်ဒီအက်စ်၊ ဆားစ် ဗိုင်းရပ်စ်၊ အိတ်ခ်ျဖိုက်အန်ဝမ်း စတာတွေရဲ့ ဆိုးကျိုးဟာ ကမ္ဘာ တ၀ှမ်းလုံးကို ပျံ့နှံ့ ရာက်ရှိ နေပါတော့တယ်။ ရောဂါသစ်တွေ ထွက်ပေါ် များပြား လာမှုဟာ ကုန်ပစ္စည်းတွေနဲ့ လူတွေရဲ့ ရွေ့လျားမှုနှုန်း မြန်ဆန် လာသလို လူတွေ သွားလာ လှုပ်ရှားနေတဲ့ နေရာ ဒေသ တွေကလဲ တစတစ ပိုမို များပြား လာတာတွေ၊ ဒီနေရာ ဒေသတွေရဲ့ microbial world မှာလဲ ပြောင်းလဲမှုတွေ ဖြစ်ပေါ် လာတာတွေကြောင့်လို့ ပညာရှင်တွေက သုံးသပ် ကြပါတယ်။

ဒီလို ကူးစက် ရောဂါသစ်တွေ ပေါ်ထွက် လာမှုဟာ လုံခြုံရေး အသိုင်းအ၀ိုင်းရဲ့ စိုးရိမ် ကြောင့်ကြမှုတွေကို ဘာလို့ ဖြစ်စေပါသလဲ။ နိုင်ငံတကာ နိုင်ငံရေးဆိုင်ရာ ပါမောက္ခ တဦးဖြစ်တဲ့ Colin McInnes က စိုးရိမ် ကြောင့်ကြမှုတွေ ဖြစ်စေနိုင်တဲ့ အကြောင်းရင်း သုံးချက်ကို ရေးသားတင်ပြခဲ့ပါတယ်။ ပထမ အကြောင်းရင်း ကတော့ ဒီကူးစက် ရောဂါတွေဟာ သက်ဆိုင်ရာ နိုင်ငံတွေမှာ မှီတင်း နေထိုင် ကြတဲ့ နိုင်ငံသူ၊ နိုင်ငံသား တွေရဲ့ ကျန်းမာရေးကို တိုက်ရိုက် ခြိမ်းချောက်နေလို့ ဖြစ်ပါတယ်။ ဒုတိယ တချက်ကတော့ ကူးစက်ရောဂါ တွေဟာ လှုမှုရေး အခက်အခဲ တွေကို ဖြစ်စေပြီး၊ နိုင်ငံရဲ့ တည်ငြိမ် အေးချမ်းရေးကို ထိခိုက် စေနိုင် ပါတယ်။ အခြေခံ ရောဂါကာကွယ်ရေး စီမံချက်ကို လူထုအတွက် ချမှတ် အကောင်အထည်ဖော်ခြင်း မလုပ်ပေးနိုင်တဲ့ အစိုးရကို လူထုက ယုံကြည်မှု လျော့နည်းလာမှာ မလွဲမသွေပါပဲ။ လူမှု အခြေအနေ အဆင့်အတန်း ကွာဟ မှုကြောင့် ချမ်းသာသူတွေကပဲ ကျန်းမာရေး စောင့်ရှောက်မှုနဲ့ ဆေးဝါးကောင်းတွေ သုံးစွဲခွင့် ရနေတဲ့ အခြေအနေမျိုး ဖြစ်လာခဲ့ရင် အခြေခံ လူထု လူတန်းစား တွေရဲ့ နာကျည်း ပေါက်ကွဲမှုတွေ ဖြစ်လာစေပြီး လူထု လှုပ်ရှားမှုတွေ ထွက်ပေါ် လာနိုင်ပါတယ်။

လူအများ သေဆုံးရင် (သို့မဟုတ်) အလုပ် ပျက်ကွက်ရင် ပြည်သူ့ ဝန်ဆောင်မှု လုပ်ငန်း ဆောင်တာတွေ ပျက်ယွင်းပြီး နိုင်ငံတော်ရဲ့ အစိုးရ အုပ်ချုပ်ရေး ယန္တရား ပျက်ယွင်း စေနိုင်ပါတယ်။ လူထု လူတန်းစား တွေက ဘာမှ ထပ်ဆုံးရှုံးစရာ မရှိတော့ဘူးလို့ ယူဆ လာတဲ့အခါ တရားဥပဒေ စိုးမိုးရေးရှိဖို့ အလွန် ခဲယဉ်း လာတတ်ပါတယ်။ ဒါကြောင့်လဲ အမေရိကန် ပြည်ထောင်စုရဲ့ နိုင်ငံတော် လုံခြုံရေး မဟာဗျူဟာထဲမှာ အမေရိကန်နဲ့ အနောက် နိုင်ငံများရဲ့ လုံခြုံရေးကို သိမ်းပိုက် နယ်ချဲ့မယ့် နိုင်ငံများရဲ့ အန္တရာယ်ထက် failed states တွေရဲ့ အန္တရာယ်တွေက ပိုမို ခြိမ်းချောက် နေတယ်လို့ ထည့်သွင်း ဖော်ပြထားတာ ဖြစ်ပါတယ်။ failed state ဆိုတာက ကောင်းမွန်တဲ့ good governance မရှိပဲ လာဘ်ပေး လာဘ်ယူမှုတွေ၊ ဗိုလ်ကျစိုးမိုး အနိုင်ကျင့်မှုတွေ၊ ပြည်တွင်းစစ် ပဋ္ဋိပက္ခတွေ၊ မူးယစ်ဆေးဝါး ထုတ်လုပ် ရောင်းဝယ်မှုတွေ၊ လူကုန် ကူးမှုတွေ၊ အေအိုင် ဒီအက်စ် ရောဂါ ပျံ့ပွားနှုန်း မြင့်မားမှုတွေ၊ မှန်ကန် သင့်လျော်တဲ့ စီးပွားရေး စီမံခန့်ခွဲမှု မရှိတာတွေ၊ လူမှုရေး စောင့်ရှောက်မှု ယုတ်လျော့တာတွေ၊ ပညာရေး၊ ကျန်းမာရေး အခွင့်အလမ်း နည်းပါးမှုတွေ၊ စာနယ်ဇင်း လွတ်လပ်ခွင့် နည်းပါးမှုတွေ၊ နိုင်ငံရေး မတည်ငြိမ်မှုတွေ စတဲ့ အခြေအနေပေါင်း မြောက်မြားစွာ ဖြစ်ပွားနေတဲ့ နိုင်ငံတွေကို ဆိုလိုတာပါ။ ဥပမာ- အာဖရိက တိုက်က နိုင်ငံငယ်လေး များစွာဟာ failed state တွေ ဖြစ်ပါတယ်။

တတိယ အကြောင်းရင်း ကတော့ ကူးစက်ရောဂါ ပြန့်ပွားမှုဟာ နိုင်ငံတော်က ပြည်သူလူထုရဲ့ ကျန်းမာရေးကို လူသားဆန်ဆန် စောင့်ရှောက်လေ့ ရှိတဲ့ အာဏာရှင် နိုင်ငံ မဟုတ်တဲ့ နိုင်ငံများမှာဆိုရင် ကျန်းမာရေး အသုံးစရိတ် မြင့်တက်မှု ဖြစ်စေ နိုင်ပါတယ်။ အလုပ်သမားတွေရဲ့ ပျက်ကွက်မှု မြင့်မားတာကြောင့် ထုတ်လုပ်မှု ကဏ္ဍကို ထိခိုက် စေနိုင်ပါတယ်။ စီးပွားရေး ယုံကြည်မှု လျော့နည်း လာစေ တာကြောင့် ပြည်တွင်း၊ ပြည်ပ ရင်းနှီး မြှုပ်နှံမှုတွေကို လျော့နည်း စေနိုင်ပါတယ်။ ဒီအခါမှာ စီးပွားရေး ဖွံ့ဖြိုး တိုးတက်မှုကို ထိခိုက် စေနိုင်ပါတယ်။ ဒါကြောင့်လဲ နိုင်ငံ အများစုဟာ ကူုးစက်ရောဂါ ပျံ့ပွား မှုကို နိုင်ငံတော် လုံခြုံရေး အန္တရာယ် တရပ်အနေနဲ့ သိမြင်ပြီး တားဆီး တိုက်ဖျက်ရေးတွေ ပြုလုပ်ကြတာ ဖြစ်ပါတယ်။ အာဏာရှင် တိုင်းပြည်များမှာ ကျတော့ ကျန်းမာရေး အသုံးစရိတ်ကို လူထု အတွက် မြှင့်တင်ပေးမှု ပြုလုပ်ခြင်း မရှိတာကြောင့် အသုံးစရိတ်ဆိုင်ရာ အကျိုး သက်ရောက်မှု မရှိပေမယ့် ရင်းနှီး မြှုပ်နှံမှုနဲ့ ထုတ်လုပ်မှု ကဏ္ဍတွေကို ထိခိုက်တာ မလွဲမသွေပါပဲ။ နိုင်ငံရေး မတည်ငြိမ်မှုကို ဖြစ်စေနိုင်တဲ့ အချက်တချက် ဖြစ်တဲ့ ပြည်သူ့ ကျန်းမာရေး စောင့်ရှောက်မှု အားနည်းတာကြောင့် အုပ်ချုပ်ရေး ယန္တရား ဘယ်လိုမှ တည်မြဲနိုင်မှာ မဟုတ်ပါ။

အိတ်ခ်ျအိုင်ဗွီ၊ အေအိုင်ဒီအက်စ်

၂၀၀၀ ပြည့်နှစ်မှာ တုန်းက ကမ္ဘာ့ဘဏ် ဥက္ကဌ ဖြစ်တဲ့ James Wolfensohan က “အေအိုင်ဒီအက်စ် ဆိုတာကို တို့တတွ အားလုံးက ကျန်းမာရေးဆိုင်ရာ ပြဿနာလို့ ယူဆ ခဲ့ကြတယ်။ အားလုံး မှားခဲ့တယ်။ လက်ရှိ အာဖရိက လူ့အဖွဲ့အစည်း တွေရဲ့ ငြိမ်းချမ်းရေးနဲ့ တည်ငြိမ် အေးချမ်းရေးကို အေအိုင်ဒီအက်စ် ပြဿနာလောက် ခြိမ်းချောက်နေတဲ့ ပြဿနာ မရှိဘူး။ ဒါဟာ ကြီးမားတဲ့ ဖွံ့ဖြိုး တိုးတက်ရေး ဆိုင်ရာ ပြဿနာ ဖြစ်တယ်။ ဒီထက်ပိုပြီး ကျယ်ကျယ်ပြန့်ပြန့် ပြောရရင်တော့ ဒါဟာ လုံခြုံရေး ပြဿနာ ဖြစ်တယ်“လို့ မိန့်ခွန်း ခြွေခဲ့ပါတယ်။

အိတ်ခ်ျအိုင်ဗွီ၊ အေအိုင်ဒီအက်စ်ဟာ နိုင်ငံတော်ရဲ့ စီးပွားရေး တိုးတက်ရေးနဲ့ လူနေမှု အဆင့်အတန်း မြင့်မားရေးကို ထိခိုက် စေနိုင်ပါတယ်။ အိတ်ခ်ျအိုင်ဗွီ၊ အေအိုင်ဒီအက်စ် ဖြစ်ပွားမှုနှုန်း မြင့်မား နေတဲ့ နိုင်ငံ တနိုင်ငံမှာ ရင်းနှီးမြှုပ်နှံတဲ့အခါ အလုပ်ရှင်တွေအတွက် ပျက်ကွက်မှု၊ ဆေးကုသမှုစရိတ် စတဲ့ တိုက်ရိုက်ဖြစ်စေ၊ သွယ်ဝိုက်ဖြစ်စေ ကုန်ကျမှုတွေ ဖြစ်စေပါတယ်။

ဒါတွေဟာ ကိုယ်ပိုင် ရင်းနှီးမြှုပ်နှံမှုကို ထိခိုက်စေနိုင်သလို နိုင်ငံခြား တိုက်ရိုက် ရင်းနှီးမြှုပ်နှံမှု ကိုလဲ လျော့ပါး စေပါတယ်။ နိုင်ငံခြား ရင်းနှီး မြှုပ်နှံသူတွေရဲ့ စီးပွားရေး အဆောက်အအုံ ရေရှည်တည်တံ့ ခိုင်မြဲမှု အပေါ်မှာ ယုံကြည်မှု လျော့နည်း စေပါတယ်။ နိုင်ငံခြား တိုက်ရိုက် ရင်းနှီးမြှုပ်နှံမှု ဆိုတာ ရင်းနှီး မြှုပ်နှံသူ တွေဘက်က လူအား၊ ငွေအား တန်ဖိုးကြီးကြီး ပေးဆပ် ရင်းနှီးထားရတာ ဖြစ်ပါတယ်။ ဒါကြောင့်လဲ နိုင်ငံတကာ စီးပွားရေး လုပ်ငန်းတွေ အနေနဲ့ ရင်းနှီး မြှုပ်နှံမှု မလုပ်ခင်မှာ သက်ဆိုင်ရာ နိုင်ငံနဲ့ ပတ်သက်ပြီး risk analysis လုပ်ကြပါတယ်။ ဒီလိုလုပ်ရာမှာ Political risks, Social risks, foreign exchange exposure management စတာတွေ ပြုလုပ် ရပါတယ်။

ဒါကြောင့်လဲ နိုင်ငံရေး တည်ငြိမ်မှု မရှိတဲ့ နိုင်ငံတွေ၊ စီးပွားရေး စီမံခန့်ခွဲမှု စနစ်တကျ မရှိတဲ့ နိုင်ငံတွေ၊ ငွေကြေး ဖောင်းပွမှုနှုန်း မြင့်မားတဲ့ နိုင်ငံတွေ၊ ကျန်းမာရေး စောင့်ရှောက်မှု အားနည်းချက်ကြောင့် ကူးစက်ရောဂါ ပျံ့ပွားမှုနှုန်း မြင့်မားနေတဲ့ နိုင်ငံတွေ၊ ပညာရေး အဆင့်အတန်း နိမ့်ပါးမှုကြောင့် လိုအပ်တဲ့ လူ့စွမ်းအား အရင်းအမြစ် နည်းပါးတဲ့ နိုင်ငံတွေမှာ နိုင်ငံခြားရင်းနှီးမြှုပ်နှံမှု မြင့်မားဖို့ ဆိုတာ အလွန်ပဲ ခဲယဉ်းပါတယ်။ များသောအားဖြင့် အစိုးရတွေက ဒီလိုအားနည်းချက်တွေကို နိုင်ငံတကာစီးပွားရေး ပိတ်ဆို့မှုကြောင့်လို့ ဆိုပြီး လူထုကို အာရုံလွှဲတတ် လေ့ရှိပါတယ်။ သို့ပေမယ့် ကားမတော်တဆဖြစ်မှုတိုင်းဟာ မီးပွိုင့်အချက်ပြမှု မှားတာကြောင့် မဖြစ်နိုင်ပါဘူး။ မဆင်မခြင် မောင်းနှင်တာကြောင့်လဲ ဖြစ်ချင် ဖြစ်နေနိုင်ပါတယ်။

ဒီသုံးရပ်အပြင် အိတ်ခ်ျအိုင်ဗွီ၊ အေအိုင်ဒီအက်စ်ရဲ့ နိုင်ငံတော် လုံခြုံရေးကို အကြီးမားဆုံး ခြိမ်းချေုာက် မှုကတော့ ဒီကူးစက် ရောဂါပိုးဟာ နိုင်ငံတော် ပြိုလဲမှု ဖြစ်စဉ်ကြီး သုံးခုဖြစ်တဲ့ စီးပွားရေး အဆောက်အအုံ ပြောင်းလဲမှု၊ ပျက်ယွင်းမှု ဖြစ်စဉ်၊ ဒေသဆိုင်ရာနဲ့ နိုင်ငံတော် အဆင့်မှာ ရှိနေတဲ့ political institutions တွေ ရဲ့ အုပ်ချုပ်ရေး ယန္တရား ပျက်ယွင်းမှု ဖြစ်စဉ်နဲ့ social institutions တွေ ဖြစ်တဲ့ မိသားစု၊ ပညာရေးစနစ်၊ ကျန်းမာရေးစနစ် ပျက်ယွင်းမှု ဖြစ်စဉ်တွေကို ဖြစ်စေနိုင် လို့ပဲ ဖြစ်ပါတယ်။

ဇီဝအကြမ်းဖက်မှု

ဇီဝ လက်နက်ပစ္စည်း တွေနဲ့ ပတ်သက်တဲ့ စိုးရိမ် ပူပန်မှုတွေဟာ ဆိုဗီယက် ယူနီယံကြီး ပြိုကွဲသွားတဲ့ နောက်ပိုင်းမှာ ထွက်ပေါ် လာခဲ့တဲ့ ဇီဝ လက်နက်ပစ္စည်း ထုတ်လုပ်မှု နည်းပညာများ ပျံ့နှံ့သွားနိုင်မှု ဆိုင်ရာ ထောက်လှမ်းရေး မှတ်တမ်းတွေက စတင်ခဲ့တာ ဖြစ်ပါတယ်။ အဲဒီ အခြေအနေက ဖြစ်ခဲ့တဲ့ နိုင်ငံရေး၊ စီးပွားရေး မတည်ငြိမ်မှုတွေ၊ ရာဇ၀တ်မှုဂိုဏ်း အများအပြား ထွက်ပေါ် လာမှုတွေကြောင့် ဇီဝ လက်နက် ပစ္စည်းတွေကို အကြမ်းဖက် အဖွဲ့အစည်းတွေနဲ့ rogue states တွေဖြစ်တဲ့ အီရန်၊ အီရတ်၊ မြောက်ကိုးရီးယား၊ ဆီးရီးယား၊ လစ်ဗျားနိုင်ငံတွေဆီ ရောင်းချမှုတွေ ရှိခဲ့ လိမ့်မယ်လို့ နိုင်ငံတကာ လုံခြုံရေး အသိုင်းအ၀ိုင်းက ယူဆထား ခဲ့ကြပါတယ်။ သံသယ ဖြစ်ဖွယ် တွေ့ရှိချက် တွေကတော့ ၁၉၉၀၊ ၁၉၉၁ ပင်လယ်ကွေ့ စစ်ပွဲ မတိုင်မီ ကာလမှာ အီရတ်နိုင်ငံဟာ ဇီဝပစ္စည်းတွေဖြစ်တဲ့ anthrax, botulinum toxin, small pox နဲ့ တခြား ဇီဝပိုးမွှား တွေကို စုဆောင်း ခဲ့တာပဲ ဖြစ်ပါတယ်။ ဇီဝ လက်နက် အသုံးချ တိုက်ခိုက်မှုတွေ ဖြစ်တဲ့ Kurdish လူမျိုး တွေအပေါ် အီရတ် အစိုးရရဲ့ ဇီဝလက်နက် အသုံးပြု တိုက်ခိုက်တဲ့ ၁၉၈၈ နိုင်ငံတော် အကြမ်းဖက်မှု၊ Rajneesh Bhagwan နောက်လိုက်တွေရဲ့ အမေရိကန်ပြည်ထောင်စုမှာ salmonella ဇီဝပိုးမွှား ပျံ့နှံ့အောင် ကြိုးပမ်းမှု၊ ၁၉၉၅ ခု တိုကျို မြေအောက်ရထားကို sarin ဆိုတဲ့ ဇီဝ ပိုးမွှား အသုံးပြုပြီး တိုက်ခိုက်ခံရမှု စတာတွေကလဲ ဇီဝ အကြမ်းဖက်မှုနဲ့ ပတ်သက်တဲ့ စိုးရိမ်မှုတွေကို မြင့်မား စေခဲ့ပါတယ်။

စက်တင်ဘာ ၁၁ ကိစ္စရပ်ကြီး အမေရိကန် ပြည်ထောင်စုမှာ မပေါ်ပေါက်လာခင် ကတည်းက နိုင်ငံတကာ ပြည်သူ့ ကျန်းမာရေး အသိုင်းအ၀ိုင်းနဲ့ လုံခြုံရေး အသိုင်းအ၀ိုင်းတွေ အတွင်းမှာ ဇီဝ အကြမ်းဖက် တိုက်ခိုက်မှု ကာကွယ်ရေးနဲ့ တုန့်ပြန် ဆောင်ရွက်ရေး နည်းလမ်းတွေကို စုပေါင်း အဖြေရှာ နေခဲ့ကြပါတယ်။ ၁၉၇၂ ခု၊ ဇီဝနဲ့ အဆိပ် ဖြစ်စေတတ်သော လက်နက် ပစ္စည်းဆိုင်ရာ သဘောတူစာချုပ်ကို အားကောင်း လာစေရန် ဆောင်ရွက်ရေး၊ ထောက်လှမ်းရေး သတင်း အချက်အလက်များ အချိန်မှီ ရရှိရေး၊ ဇီဝ လက်နက် ပစ္စည်း ပံ့ပိုးသူများနဲ့ ၀ယ်ယူသူ များကို ဖော်ထုတ်ရေး စတဲ့ လုပ်ငန်း ဆောင်တာတွေကို အာရုံစိုက် လုပ်ကိုင် နေခဲ့ကြပြီ ဖြစ်ပါတယ်။ လူထု ကာကွယ်ရေးနဲ့ တိုက်ခိုက်မှု ဖြစ်ပွား လာပါက အရေးပေါ် တုန့်ပြန်ရေး ဆိုင်ရာတွေ ကိုလဲ ထောက်လှမ်းရေး အဖွဲ့ အစည်းများနဲ့ ပြည်သူ့ ကျန်းမာရေး ပညာရှင်များ ပူးပေါင်းပြီး စီမံချက်တွေ ရေးဆွဲ ချမှတ်လာခဲ ကြပါတယ်။

9/11 အပြီးမှာ ဖြစ်ပွားခဲ့တဲ့ သတင်းနဲ့ မီဒီယာတွေ၊ ကွန်ဂရက် ရုံးဌာနေတွေဆီကို anthrax spores များပါတဲ့ စာများ ပေးပို့ ခံရမှု နောက်ပိုင်း မှာကျတော့ ဇီဝ အကြမ်းဖက်မှု ပြဿနာက နိုင်ငံတော်လုံခြုံရေး ဆိုင်ရာ ထိပ်တန်း ပြဿနာတွေထဲမှာ ပါဝင် လာပါတော့တယ်။ အမေရိကန် ပြည်ထောင်စုမှာဆိုရင် ၂၀၀၂ ခုနှစ်မှာ ပြည်သူ့ ကျန်းမာရေး လုံခြုံရေးနှင့် ဇီဝ အကြမ်းဖက်မှု ဆိုင်ရာ ဥပဒေမူကြမ်းကို လက်မှတ် ရေးထိုးခဲ့ပြီး၊ ပြည်သူ့ ကျန်းမာရေးကို နိုင်ငံတော် လုံခြုံရေးဆိုင်ရာ ကိစ္စရပ်တ ခုအနေနဲ့ တရားဝင် ထည့်သွင်း လာခဲ့ပါတယ်။ ယူကေ၊ ကနေဒါနဲ့ သြစတြေးလျ နိုင်ငံများမှာလဲ ဆိပ်ကမ်းမှ ၀င်လာတဲ့ အစားအစာ များကို စစ်ဆေးခြင်း၊ ဇီဝ ပစ္စည်းများကို ရှာဖွေ ဖော်ထုတ်ခြင်း၊ ဆက်သွယ်ရေး ကွန်ယက်များ ဖြန့်ကျက်ခြင်း၊ ကာကွယ်ဆေးများ စုဆောင်း ထားရှိခြင်း၊ ဆေးဝါးသစ်များ ဖော်ထုတ်ခြင်း စတဲ့ ဇီဝ ပိုးမွှားဆိုင်ရာ ပြည်ထဲရေး မဟာဗျူဟာ များကို ချမှတ် လာခဲ့ကြပါတယ်။

နိုင်ငံတကာ အဆင့်မှာလဲ တုန့်ပြန် ဆောင်ရွက်ရေးနဲ့ ပြင်ဆင်ရေးဆိုင်ရာ အစည်းအဝေး များစွာ ထွက်ပေါ်လာ ခဲ့သလို၊ ကမ္ဘာ့ ကျန်းမာရေး အဖွဲ့ ကြီးကလဲ Global Outbreak Alert and Response Network ကို အသုံးပြုပြီး စောင့်ကြည့် လေ့လာရေးနဲ့ တုန့်ပြန် ဆောင်ရွက်ရေး နည်းလမ်းများကို အကောင် အထည်ဖော်ဖို့ နိုင်ငံ အားလုံးကို တိုက်တွန်း ခဲ့ပါတယ်။ နိုင်ငံများစွာက အစိုးရတွေ၊ နိုင်ငံတကာ အဖွဲ့အစည်း တွေကလဲ ဇီဝ အကြမ်းဖက် တိုက်ခိုက်မှု ကာကွယ်ရေးနဲ့ တုန့်ပြန် ဆောင်ရွက်ရေးဆိုင်ရာ လေ့လာမှု များစွာကို ပြည်သူ့ ကျန်းမာရေး ပညာရှင်တွေ၊ စစ်ရေးနဲ့ အကြမ်းဖက်မှု လေ့လာရေး ပညာရှင်တွေ အကူအညီနဲ့ ပြုလုပ် နေကြပါတယ်။

နိဂုံး

ယနေ့ခေတ် ၂၁ ရာစု ကမ္ဘာကြီးဟာ ပြောင်းလဲမှုပေါင်း များစွာ ဖြစ်ပွားနေတဲ့ ကမ္ဘာကြီး ဖြစ်ပါတယ်။ ၂၀ ရာစု ကမ္ဘာကြီးဆီက အတွေးအခေါ်ဟောင်းတွေ ဖြစ်တဲ့ လုံခြုံရေးဆိုတာ စစ်ရေး၊ နိုင်ငံရေးနဲ့ပဲ ဆိုင်တယ်ဆိုတဲ့ အတွေးအခေါ်တွေ၊ သိပ္ပံပညာနဲ့ ဝိဇ္ဇာပညာကို သီးခြား ခွဲမှုတွေ၊ ကျန်းမာရေးဆိုတာ လူတွေရဲ့ ရောဂါတွေကို ကုသတာဖြစ်တယ်။ ဒါကြောင့် ကျန်းမာရေး လုပ်သားတွေဟာ နိုင်ငံရေး၊ စစ်ရေး၊ လုံခြုံရေးနဲ့ မသက်ဆိုင်ဘူး ဆိုတဲ့ အတွေးအခေါ်တွေဟာ ရာစုဟောင်းထဲမှာ ကျန်ရစ်ခဲ့ပြီ ဖြစ်ပါတယ်။ စစ်ရေး၊ နိုင်ငံရေး၊ စီးပွားရေး၊ လူမှုရေး၊ ကျန်းမာရေး၊ ပညာရေး၊ ကုန်သွယ်ရေး၊ လုံခြုံရေးတွေဟာ လူသားတွေနဲ့ နေ့စဉ်လူမှုဘ၀ကို တိုက်ရိုက် သက်ရောက်မှုတွေ ရှိနေပြီ ဖြစ်ပါကြောင်း ရေးသား တင်ပြအပ်ပါတယ်။

ရည်ညွှန်းကိုးကား-

Central Intelligence Agency (CIA) (2000) The Global Infectious Disease Threat and its implications for the United States, National Intelligence Estimate (NIE99-17D)

Elbe, S. (2003) The Strategic Implications of HIV/ AIDS, Adelphi paper 357, International Institute of Strategic Studies, Oxford University Press, Oxford

Garrett, L. (2005) HIV and National Security: Where are the Links?, Council on Foreign Relations, New York

McInnes, C. & Lee, K. (2006) 'Health security and Foreign Policy', Review of International Studies, 32 (1), 5-23

McInnes, C. (2008) 'Health' in Williams, P. (ed.) Security Studies, Routledge, London & New York

Ostergard, R. (ed.) (2006) HIV, AIDS and the Threat to National and International security, Palgrave, London

Price-Smith, A. (2001) The Health of Nations: Infectious diseases, Environmental change, and their effects on National security and Development, MIT Press, Cambridge, MA.

Turner & Hulme (1997) Governance, Administration and Development: Making the State work, Macmillan Press, Basingstoke